అంబానీల లాంటి ఒక ధనవంతుడు తమ కన్నా ప్రపంచంలో బ్రతుకుతున్న ఇతరులు ఎంత పెదవారో తన కొడుకు కు తెలియ చెప్పాలని అనుకున్నాడు ! ఒక కుగ్రామానికి వెళ్లి అక్కడున్న అతి బీదవాళ్ళ ఫాంహౌస్ లో రెండు రోజులు తన కొడుకుతో పాటు ఉన్నాడు ! తిరిగి రాజభవనం లాంటి తమ ఇంటికి వెళ్ళినాక తన కొడుకును దగ్గరకు పిలిచాడు !
" ఎలా ఉంది మన ట్రిప్ ? " అడిగాడు ధనికుడు !
" చాలా గొప్పగా వుంది డాడీ "
" ఈ ప్రపంచంలో పేదవాళ్ళు ఎలా బ్రతుకుతున్నారో తెలిసిందా ?" అడిగాడు గర్వంగా ధనికుడు !
" తెలిసింది డాడీ "
" ఏం తెలుసుకున్నావో చెప్పు " ముసి ముసిగా నవ్వుతూ అడిగాడు ధనికుడు!
" నేను గమనించిందేమిటంటే మనకు ఒక కుక్కే ఉంది కానీ వాళ్లకు నాలుగేసి కుక్కలు ఉన్నాయి !
మనకు ఓ గార్డెన్ లో మధ్యన ఓ మోస్తరు స్విమ్మింగ్ పూల్ ఉంది కానీ వాళ్లకు అంతం లేని పెద్ద వాగు ఉంది !
మన గార్డెన్ లో ఇంపోర్టెడ్ లైట్లు వెలుగులు చిమ్ముతుంటాయి కానీ వాళ్లకు చంద్రుడూ మిల మిల మెరిసే చుక్కలూ వెలుగులు ఇస్తున్నాయి !
మన వరండా గేట్ దాకా ఉంది కానీ వాళ్లకు ఆకాశమే వరండా లా ఉంది !
మన ఇంటి చుట్టూ ఉన్నస్థలం చాలా చిన్నది కానీ వాళ్ళ ఇంటి చుట్టూ ఉన్న స్థలం ఆకాశం భూమీ కలిసేంత దాకా ఉంది !
మనకు చాలామంది సేవకులు ఉన్నారు కానీ వాళ్ళు ఇతరులకు సేవ చేస్తున్నారు !
మనం మన తిండి కొనుక్కుంటాము కానీ వాళ్ళు వాళ్ళ తిండి పండిస్తున్నారు !
మనని రక్షించడానికి మన ప్రాపర్టీ చుట్టూ పెద్ద పెద్ద గోడలున్నాయి కానీ వాళ్ళను రక్షించడానికి చుట్టూ వాళ్ళ స్నేహితులున్నారు ! " చెప్పాడు ఆ ధనికుడి కొడుకు !
వింటూన్న ధనికుని మొహం లో నవ్వు మాయమై మరో బుద్ధుడిని చూసినంత ఆశ్చర్యం తో నోట మాట రాకుండా ఉంది !
" థాంక్స్ డాడీ మనం ఎంత పేదవాళ్ళమో నాకు తెలియ చెప్పినందుకు ! " అని ముగించాడు ఆ ధనికుడి కొడుకు !
