దేవుడా... ఈ ఆడవాళ్లకెంత అదృష్టం ఇచ్చావు ?

రోజంతా కష్టపడినా తప్పని ఆఫీసరు తిట్లను తలుచుకుంటూ   ఏడుపు మొహంతో ఇంటికివచ్చిన వెంగళరావుకు , ఇంట్లో హాయిగా టీవీ  ముందు కూర్చున్న భార్యామణి కనిపించి చాలా బాధ వేసింది ! ఆ రాత్రి పడుకునేముందు వెంగళరావు దేవుడిని ఇలా ప్రార్ధించాడు :
   " దేవుడా ! ఈ ప్రపంచం లో అదృష్టం అంతా ఆడవాళ్ళకు ఇచ్చి మా మగవాళ్ళను ఇంత  దారుణంగా శిక్షించావే ? 

నా మీద దయ ఉంచి, నా భార్యకు నా బాధ తెలిసే లాగా కనీసం ఒక్కరోజైనా నా భార్య తో శరీరాన్ని మార్చుకునే వరం ఇవ్వవూ ! " 
ఎక్కడినుంచో   " తధాస్తు ! "  అని వినిపించింది వెంగళరావుకు !  సంతృప్తిగా పడుకున్నాడు !

 

పొద్దున్నఅయిదు గంటలకు  లేసిన వెంగళరావు తను భార్య శరీరం లోనూ, భార్య తన శరీరంలోనూ ఉండటం గమనించి చాలా హేపీగా ఫీల్ అయ్యాడు !

 

గబగబా లేచి ఆయనకు (ఆమెకేలెండి ) టిఫిన్ తయారు చేసాడు ! పిల్లల్ని లేపాడు !

 

పిల్లలకు స్నానం చేయించి, టిఫిన్ తినిపించాడు !

 

లంచ్ బాక్స్ లోకి  సర్ది,  పిల్లల్ని స్కూల్ లో వదిలి ఇంటికి వచ్చాడు ! 

మాసిన బట్టలు లాండ్రీకి  ఇవ్వడం కోసం తీసుకెళ్ళాడు !

 

 లాండ్రీలో బట్టలిచ్చేసి....  ఆయన (ఆమె) ఇచ్చిన చెక్కు బేంకు లో జమ చేసాడు !

 

సూపర్ మార్కెట్ కి వెళ్లి కూరగాయలూ, సరుకులూ కొనుక్కొచ్చాడు !  

సరుకులన్నీ చక్కగా కిచన్ లో సర్దేసాడు !

 

పాలవాడికీ, ఇంటి అద్దేకూ లెక్క సరిచూసి చేక్కులిచ్చాడు !

 

పిల్లి చేసిన కంగాళీ అంతా క్లీన్ చేసి...  కుక్కకు స్నానం చేయించాడు ! 

టైం చూస్తే అప్పుడే మధ్యాహ్నం ఒంటిగంట అయ్యింది !

 

గబా గబా, పక్క దుప్పట్లు మార్చి ఉతికినవి వేసాడు !

 

మురికి బట్టలన్నీ తీసుకుని ఉతికేసాడు !

 

ఇల్లంతా వేక్యూం  క్లీనర్ తో ఊడ్చి మాప్ తో తుడిచి శుభ్రం చేసాడు !

 

స్కూలు కి వెళ్లి పిల్లల్నితీసుకు రావడానికి వెళ్లి వాళ్ళు అడిగేవన్నీ కొనలేక వాళ్ళను నాలుగు తిట్టి ఇంటికి  తీసుకొచ్చాడు ! 

వాళ్లకి  ఇంట్లో ఉన్న బిస్కెట్లూ పాలూ ఇచ్చాడు ! 

రెండు బిస్కెట్లు తనూ నమిలాడు !

 

దగ్గరుండి వాళ్ళ హోం వర్క్ పూర్తి చేయించాడు !

 

కాస్త టీవీ చూస్తూ అత్యవసరం అయిన బట్టలు ఇస్త్రీ చేసాడు !

 

ఇంతా చూస్తే మళ్ళీ భోజనం సమయం అవుతోంది ! గబగబా కూరగాయలు కడిగి, కోసి ..

 

మసాలా వడలు తాయారు చేసి, బటానీలు వలిచాడు !

 

 రాత్రి అందరి భోజనాలూ అయినాక డైనింగ్ టేబిల్ శుభ్రంగా తుడిచి, గిన్నెలన్నీ కడిగి సర్దేసాడు !

 

ఇందాక ఇస్త్రీ చేసిన బట్టలను మడతపెట్టి సర్దేసాడు, పిల్లలకు స్నానం చేయించి, నిద్రపుచ్చాడు !

 

అలిసిపోయి బెడ్రూం కి చేరేసరికి తొమ్మిదయ్యింది ! 

అక్కడ తన శరీరంలో ఉన్న భార్య శృంగారం కోరుకుంటే ఒపికలేకపోయినా కిమ్మనకుండా కార్యం కానించి వొళ్ళు పులిసిపోయిన వెంగళరావు వొళ్ళు తెలియకుండా నిద్ర పోయాడు !

 

పొద్దున్నే లేవగానే వెంగళరావు చేసిన మొదటి పని దేవుడి ముందు సాష్టాంగ ప్రమాణం చెయ్యడం ! మళ్ళీ ప్రార్ధించసాగాడు వెంగళరావు :

  " దేవుడా ! నాకు అస్సలు బుద్ధి లేదు ! ఆడవాళ్ళు రోజంతా పై చెయ్యకుండా హాయిగా టీవీ చూస్తూ ఎంజాయ్ చేస్తున్తారనుకోవడం నా మూర్ఖత్వం ! నా కళ్ళు తెరుచుకున్నాయి ! ఇంకా ముందు నా భార్యను గౌరవంగా చూసుకుంటాను మళ్ళీ నన్ను నా శరీరం లోకి పంపించేయ్యి !"

మళ్ళీ దేవుని స్వరం వినిపించింది వెంగళరావుకు :

" సంతోషం నాయనా, నీ తప్పు నువ్వు తెలుసుకున్నావు ! నీకు నీ శరీరాన్ని ఇవ్వాలనే ఉంది,  కానీ అది జరగాలంటే ఇంకో తొమ్మిది నెలలు ఆగాలి నువ్వు ! ఎందుకంటే రాత్రి నువ్వు నెలతప్పావు ! "