ఏడవకు తల్లీ... ఎదిరించడం నేర్చుకో !

పాపా నిన్ను ఓదార్చే శక్తి మాకున్నా..
ఎక్కడో ఉన్న చీడ పురుగు మా ధైర్యం పోగొట్టింది !
పనికి రాని నాయకుల రక్షణకు మేమిచ్చెంత ప్రాధాన్యం..
మా ప్రాణాలైన మీకు ఇవ్వలేని అసమర్ధులం !
మా లాంటి వెధవలం ఉన్నంత వరకూ..
నీ రక్షణ భారం నీదే అని చెప్పడానికి సిగ్గు కూడా రావట్లేదు !
నువ్వు మా అంత అయ్యే లోపు ఇంకెన్ని దారుణాలు చూడాలో..
గుండె రాయి చేసుకో ! శక్తి నీది పెంచుకో !
గుంట నక్కలతో, తోడేళ్ళతో, రక్తం మరిగిన పులులతో..
ఎదిరించడం నేర్చుకో ! తప్పించుకోవడం తెలుసుకో !
ఈ లోకంలో ఇంకో దారిలేదు తల్లీ..
మా కాలంలా మీకాలం లేనందుకు మమ్మల్ని క్షమించు !