నేనైన నీవు

Friday 9 April 2010


నా కష్టాలను నీవే అనుకున్నావు..
నా కన్నీళ్లను నీ కళ్ళలో కార్చావు..
నేనివ్వలేనని నీ కోర్కెలను చంపావు..
నీ వారిని వీడి నాస్వంతమయ్యావు..
నా గమ్యాన్ని నాతోటే చేరావు..
నా విజయానికి గర్విస్తూ నీ వైపు చూస్తే..
నన్ను గుండెలో నింపిన నువ్వు నాలానే ఉన్నావు..
నేనే నీవైన నీకు నేనేమివ్వగలను ప్రియా ?

అక్షర వనం

నా గుండె లోని భావాల సిరాతో,
నా కలంతో కవితలు నాటాలని,
నా గళజలంతో అవే పాటలు కావాలని,
నా జనం చప్పట్ల ఎరువుతో అవి వనంలా పెరగాలని,
ఎంత ఆశో చూడు నాకు....
తిండి గింజల వేటలో,
తిరిగి, తిరిగి అలిసిపోయే,
జనానికి అక్షరవనంలో తిరిగే తీరికేదీ ?