సూరి మరణం తో రక్తచరిత్ర - 3 కి స్క్రిప్ట్ తయారు చేసుకునే టైం వచ్చేసింది !

అనుకున్నట్లు గానే మద్దెలచెరువు సూరి అంతం కూడా రక్తసిక్తంగానే జరిగింది ! హింస అనే నాగుపాముకు పాలు పోసి పెంచిన వాళ్ళను ఆ పాము కాటు వేయడం కొద్దిగా వెనకా ముందూ అంతే ! స్వార్ధం కోసం, పలుకుబడి ఉందనీ, ధన మదంతో, బల గర్వంతో,  రాజకీయ నాయకుల అండదండలతో హింసా విష వలయం లో దూకే వాళ్లకు దాని ప్రభావంలోనే అంతమవ్వాల్సిన పరిస్థితి వస్తుందనే ముందు చూపు ఉండదు ! ఉద్యమాల ముసుగులో పిల్లలను హింసకు పెరేపించే వాళ్ళు కూడా ఈ జ్వాలకు ఆజ్యం పోసేవాళ్ళే  !  శాంతి యుతంగా పోరాటాలను సాగించాలనీ, సమస్యలను పరిష్కరించుకోవాలనీ చెప్పిన పెద్దల మాటలను పెడ చెవిన పెట్టి హింసతో తమ మిధ్యారాజ్య పరిధిని పెంచుకునే వారు సహజంగానే వార్ధక్యాన్ని చూడరు !

ఇంతకు ముందు రాంగోపాల్ వర్మ తాను తీయబోయే సినిమాకు రవి-సూరి ల కథను స్పూర్తిగా ఎందుకు తీసుకున్నాడా అని కొంత మందికి ఉన్న అనుమానం ఇప్పుడు తీరిపోయి ఉంటుంది ! ఎందుకంటే ఫాక్షనిజం అనే రావణాకాష్టం  ఎప్పుడూ కాలుతూనే ఉంటుంది ! చరిత్ర ముసుగులో ఇంకొన్ని సినిమాలు తీసేయొచ్చు ! త్వరలో రక్త చరిత్ర పార్ట్ - 3 , తరువాత 4, 5, ... అలా అలా..