పీ వీ నరసింహా రావు ఎక్స్ ప్రెస్ వే మీద మొదటి ప్రయాణం
Tuesday, 20 October 2009
ఎప్పుడెప్పుడా అని భాగ్యనగరవాసులందరూ ఎదురు చూస్తున్న రోజు వచ్చేసింది ! పీ వీ ఎన్ ఆర్ ఎక్స్ ప్రెస్ వే మొత్తానికి నిన్న రోసయ్యగారి హస్తాలమీదుగా జాతికి అంకితం చేయబడింది ! ఆరు వందల కోట్ల రూపాయల ఖర్చుతో 11.66 కి మీ పొడవుతో దర్జాగా దేశం మొత్తం మీద అతి పొడవైన ఫ్లై ఓవర్ గా పేరు మ్రోగించుకొంటూ ప్రయాణికులను ఆహ్వానించింది !
ఈ రోజు ఉదయమే ముంబైకి బయలుదేరిన నేను ఎంతో సంతోషించాను ! ఆహా తొలిసారి ఈ ఎక్స్ ప్రెస్ వే ను వాడుతున్నాను ఏమి నా భాగ్యమూ అని బయలు దేరాను ఏరో ఎక్స్ ప్రెస్ లో !
ద్విచక్ర, త్రి చక్ర వాహనాలనూ, రిక్షా, లారీ లేక ట్రాక్టర్ లను , పాద చారులను దీనిమీడకు రానిచ్చేది లేదని ముందు నుంచీ డంకా బజాయించి చెబుతున్న ప్రభుత్వపు మాటలను ప్రజలు మన్నిన్చేట్లు చేయడానికి బ్రిడ్జి మొదట్లో ఎవరైనా ఉంటారేమో అని చూస్తె పాపం ఎవ్వరూ లేరు ! దానికి తగ్గట్లు గానే ఈ ఎక్స్ ప్రెస్ వే పై నుంచి నగర అందాలను చిత్రభద్దమ్ చేయడానికి కొందరు పాదచారులు ప్రయత్నిస్తూ కనిపించారు ! ఇంకా కొత్త బ్రిడ్జి కాబట్టి సరిగా అవగాహన లేక వాహనాలు తక్కువ వేగం తో వెళుతున్నాయి కాబట్టి సరిపోయింది కానీ, లేకపోతె వారి పరిస్తితి వారి వల్ల వాహన చాలకుల పరిస్థితీ తలుచుకుంటే వళ్ళు గగుర్పొడుస్తుంది !
ఏరో ఎక్స్ ప్రెస్ బస్లో కూర్చొని చూస్తుంటే ఉదయాన్నే పూర్తి దృశ్యం సరిగా కనిపించలేదు కానీ కంటోన్మెంట్ దగ్గర పెరిగిన చెట్లు చక్కటి అనుభూతిని ఇచ్చాయి ! హైదరగూడా దగ్గర లోయలోకి చూస్తున్నట్లు అనుభూతి కూడా బానే ఉంది !
ఈ అనుభూతులకు తూట్లు పొడుస్తూ బ్రిడ్జి మీద తక్కువ వేగంలో కూడా ఎగిరెగిరి పడుతున్న వాహనాలు, కింద రోడ్డు ఎన్ని వంకరలు ఉంటే అన్ని వంకరలతోనూ, ఎన్ని ఎత్తుపల్లాలు ఉంటే అన్ని ఎత్తుపల్లాలతోనూ, స్తంబాలను బ్రిడ్జి మీద గతుకులులా అనిపించనివ్వకుండా, ఒకే లెవెల్ లో ఉంచి తిన్నగా రోడ్డు వేయడం అంత కష్టమైన పనా ? , రెండు చోట్ల స్పీడు బ్రేకర్లతో అక్కడ సన్నగా మారి ఇంకా నిర్మాణం పూర్తికాలేదని చెప్పక చెబుతున్న బ్రిడ్జీ భవిష్యత్తులో ఈ రెండు చోట్లా ఒకవేళ ట్రాఫిక్ వచ్చి జాంలు ఏర్పడితే చాలా ఇబ్బంది కరం కావొచ్చని హెచ్చరిక చేసింది !
ఎవరో ఇది ముంబై లో ఈ మధ్యనే ప్రారంభించిన వొర్లి - భాంద్రా సీ రూటు బ్రిడ్జి కన్నా బావుందని ప్రశంసించారు, కానీ అది తిన్నగా ఎటువంటి వంకరాలూ లేకుండా జనావాసాలకు దూరంగా, సముద్రం లో ఉంటే , ఈ బ్రిడ్జి అష్టావక్రంగా, రెండు ప్రక్కలా పెరుగుతున్న కాంక్రీటు అరణ్యం మధ్యలో వెళ్తూ ఉంది ! ఎలా ఉన్నా రెంటి పనీ ఒక్కటే, రద్దీ తగ్గించి సమయాన్ని మిగల్చడం ! దీనికి పెట్టవలసిన శబ్ద కాలుష్యాన్ని తగ్గించే నాయిస్ బ్రేకర్లు పెట్టి బ్రిడ్జి పొడుగూతా ఉన్నా ప్రజల నిద్రను కాపాడుతారని ఆశిస్తాను !
ఒక 15 నిముషాలలో ముగిసిన మొదటి ప్రయాణం ఆనందాన్నీ, ఆందోళన నూ సమ పాళ్ళలో రుచి చూపించింది అచ్చు ఉగాది పచ్చడిలా !
ఈ రోజు ఉదయమే ముంబైకి బయలుదేరిన నేను ఎంతో సంతోషించాను ! ఆహా తొలిసారి ఈ ఎక్స్ ప్రెస్ వే ను వాడుతున్నాను ఏమి నా భాగ్యమూ అని బయలు దేరాను ఏరో ఎక్స్ ప్రెస్ లో !
ద్విచక్ర, త్రి చక్ర వాహనాలనూ, రిక్షా, లారీ లేక ట్రాక్టర్ లను , పాద చారులను దీనిమీడకు రానిచ్చేది లేదని ముందు నుంచీ డంకా బజాయించి చెబుతున్న ప్రభుత్వపు మాటలను ప్రజలు మన్నిన్చేట్లు చేయడానికి బ్రిడ్జి మొదట్లో ఎవరైనా ఉంటారేమో అని చూస్తె పాపం ఎవ్వరూ లేరు ! దానికి తగ్గట్లు గానే ఈ ఎక్స్ ప్రెస్ వే పై నుంచి నగర అందాలను చిత్రభద్దమ్ చేయడానికి కొందరు పాదచారులు ప్రయత్నిస్తూ కనిపించారు ! ఇంకా కొత్త బ్రిడ్జి కాబట్టి సరిగా అవగాహన లేక వాహనాలు తక్కువ వేగం తో వెళుతున్నాయి కాబట్టి సరిపోయింది కానీ, లేకపోతె వారి పరిస్తితి వారి వల్ల వాహన చాలకుల పరిస్థితీ తలుచుకుంటే వళ్ళు గగుర్పొడుస్తుంది !
ఏరో ఎక్స్ ప్రెస్ బస్లో కూర్చొని చూస్తుంటే ఉదయాన్నే పూర్తి దృశ్యం సరిగా కనిపించలేదు కానీ కంటోన్మెంట్ దగ్గర పెరిగిన చెట్లు చక్కటి అనుభూతిని ఇచ్చాయి ! హైదరగూడా దగ్గర లోయలోకి చూస్తున్నట్లు అనుభూతి కూడా బానే ఉంది !
ఈ అనుభూతులకు తూట్లు పొడుస్తూ బ్రిడ్జి మీద తక్కువ వేగంలో కూడా ఎగిరెగిరి పడుతున్న వాహనాలు, కింద రోడ్డు ఎన్ని వంకరలు ఉంటే అన్ని వంకరలతోనూ, ఎన్ని ఎత్తుపల్లాలు ఉంటే అన్ని ఎత్తుపల్లాలతోనూ, స్తంబాలను బ్రిడ్జి మీద గతుకులులా అనిపించనివ్వకుండా, ఒకే లెవెల్ లో ఉంచి తిన్నగా రోడ్డు వేయడం అంత కష్టమైన పనా ? , రెండు చోట్ల స్పీడు బ్రేకర్లతో అక్కడ సన్నగా మారి ఇంకా నిర్మాణం పూర్తికాలేదని చెప్పక చెబుతున్న బ్రిడ్జీ భవిష్యత్తులో ఈ రెండు చోట్లా ఒకవేళ ట్రాఫిక్ వచ్చి జాంలు ఏర్పడితే చాలా ఇబ్బంది కరం కావొచ్చని హెచ్చరిక చేసింది !
ఎవరో ఇది ముంబై లో ఈ మధ్యనే ప్రారంభించిన వొర్లి - భాంద్రా సీ రూటు బ్రిడ్జి కన్నా బావుందని ప్రశంసించారు, కానీ అది తిన్నగా ఎటువంటి వంకరాలూ లేకుండా జనావాసాలకు దూరంగా, సముద్రం లో ఉంటే , ఈ బ్రిడ్జి అష్టావక్రంగా, రెండు ప్రక్కలా పెరుగుతున్న కాంక్రీటు అరణ్యం మధ్యలో వెళ్తూ ఉంది ! ఎలా ఉన్నా రెంటి పనీ ఒక్కటే, రద్దీ తగ్గించి సమయాన్ని మిగల్చడం ! దీనికి పెట్టవలసిన శబ్ద కాలుష్యాన్ని తగ్గించే నాయిస్ బ్రేకర్లు పెట్టి బ్రిడ్జి పొడుగూతా ఉన్నా ప్రజల నిద్రను కాపాడుతారని ఆశిస్తాను !
ఒక 15 నిముషాలలో ముగిసిన మొదటి ప్రయాణం ఆనందాన్నీ, ఆందోళన నూ సమ పాళ్ళలో రుచి చూపించింది అచ్చు ఉగాది పచ్చడిలా !
హైదరా 'బాధ' బాటచారులు !
Tuesday, 22 September 2009
మన భాగ్య నగరంలో ప్రజలు కాలి నడకన వెళ్ళాలి అంటే అది ఒక నరకమే !రోడు మీద ఎటువైపు నుంచి ఎ వాహనం వస్తుందో తెలీదు ! రోడ్డుకు కుడి చేతి పక్కగా నడుద్దాం అంటే బస్సు స్టాప్ లూ , దాని దగ్గరకు పోలేనంతగా ఆటోలు, తోపుడు బళ్ళూ , పైగా రాంగ్ రూటులో ఎదురొచ్చే సైకిళ్ళూ , స్కూటర్లూ, ఆటో లూ , అప్పుడప్పుడు కార్లూ, లారీలూ కూడా ! ఏయ్ నీకేమైనా పిచ్చా ఫుట్పాత్ మీద నడవకుండా రోడ్డుమీద నడుస్తూ అవడ్డూ, ఇవడ్డూ అంటావే అంటున్నారా ? అయితే మీది హైదరా ' బాధ ' కాదు ! మన మున్సిపాలిటీ పెద్దలు పాపం రోడ్లు వెడల్పు చేస్తారు కానీ ఫుట్పాత్ పెట్టడం మరిచిపోతారు, లేకపోతే పేరుకి బుల్లి గా ఉంచుతారు ! పొరపాటున ఫుట్పాత్ ఉందీ అంటే దాని మీద ట్రాన్స్ ఫార్మర్లు , చెట్లూ వాటి చుట్టూతా కంచెలూ, చెత్త కుప్పలూ, బట్టబయటి సులబ్ లూ !మనకి అవిలేని ప్రదేశం కనిపించిందీ అంటే చక్కగా పూర్తి ఫుట్పాత్ మీద చక్కగా డిస్ప్లే చేస్తూ పళ్ళూ, ఇంకా నానా చెత్తా అమ్మేవాళ్ళు ! ఇంకా విరిగి పోయి పడబోతున్న స్తంబాలూ,తెగిపోయి వేలాడుతున్న తీగెలూ ఇలా వీటన్నిటినీ దాటుకుంటూ గమ్యాన్ని చేరడం అంటే పద్మవ్యూహంలో అడుగు పెట్టినట్లే ! మరి మున్సిపాలిటీ లో పెద్దలు బతికేదీ ఇదే నగరమైన పాపం వాళ్ళు ఈ చెత్త రోడ్లమీద నడవరనుకుంటా ! వాళ్ళు సరే పోలీసులెం చేస్తున్నారూ అంటారా ? భలేవారే మీరు ఇవన్నీ వాళ్ళ ఆదాయ మార్గాలు ! రోజూ బంగారు గుడ్లు పెట్టే బాతులు ! వాళ్ళు ఎలా పట్టించుకుంటారు? ఇంక మనం నోరు తెరిచి అడగాలంటే గూండాలు తయారు మన భరతం పట్టడానికి ! ఎవరిని ఎంత తిట్టి లాభం ఏమిటి ? స్వలాభం తప్ప ఇతరుల పని పట్టని పాలకులనూ, అధికారులనూ, ప్రజలనూ ఎలా తిట్టాలో మీరే చెప్పండి !
వీళ్ళనేనా మనం ఎన్నుకుంది ?
మనం ప్రేమతో గెలిపించుకుని MLA లు గా మంత్రులుగా నిలబెట్టిన ప్రజాప్రతినిధులు జగన్ సేన భయంతోనో, లేకపోతే ఇష్టంతోనైనా తమ తమ విధులను నిర్వర్తించకుండా, అధిష్టానాన్ని బ్లాక్మెయిల్ చేస్తూ ప్రభుత్వ యంత్రాంగాన్ని స్థంబింపజేస్తుంటే, ప్రబలుతున్న స్వయిన్ ఫ్లూ, పెరుగుతున్న ధరలు, విజ్రుమ్భిస్తున్న నేర ప్రపంచం లోనికి మన రాష్ట్రాన్ని తోసేస్తుంటే, నాకనిపిస్తుంది వీళ్ళసలు మనుషులేనా అని ! వారి స్వార్థ ప్రయోజనాలకోసం రాష్ట్ర ప్రయోజనాలను తాకట్టు పెట్టడనికేనా వారిని జనం ఎన్నుకుంది ? వారికి ఇష్టంవల్లో, భయం వల్లో కారణం ఏదైనా ఒక వ్యక్తిని నేతగా ఎన్నుకోవాలనుకుంటే ఇదా పద్దతి ? తమ పనులు నిర్వర్తిస్తూ కూడా వారి అధిష్టానంతో సంప్రదింపులు జరుపుకోవచ్చు కదా ? ఇంకా కొన్ని వార్తలు చూస్తే అసహ్యం వేస్తోంది ! నిజంగా గుండె పోటువచ్చి, లేక తట్టుకోలేక ఆత్మహత్యలు చేసుకున్నవారిని కాదు కానీ, కొందరు వ్యక్తులు ఎలా చనిపోయినా గానీ , రాజశేఖర్ రెడ్డి గారి మరణాన్ని తట్టుకోలేక మరణించినట్లు చూపడానికి కొందరు డబ్బులు ఇవ్వడమూ, ఆ కుటుంబాలు అలా చేయడమూ వింటే మనం భూమి మీదే ఉన్నామా అనే అనుమానం తెప్పిస్తోంది !ఇంత జుగుప్సాకరమైన పద్ధతులలో రాజకీయాలు నడపడం అవసరమా? ప్రజా ప్రయోజనాలను పక్కన బెట్టి స్వార్ధ ప్రయోజనాలకోసం ఇంతగా దిగజారిన ఈ నేతలను ఎంత తిట్టినా వారికి సిగ్గు వస్తుందా? వారికి తామూ మనుషులమేనని గుర్తు వస్తుందా? అలాకాకుంటే వారిని గద్దెలెక్కిన్చిన మననే తిట్టుకోవాలి మనం !
Subscribe to:
Posts (Atom)
