కోయిల కూసిన ప్రతిసారీ ....

కోయిల కూసిన ప్రతిసారీ,
నా మది ఎగిరెగిరి పడుతుంది!
రాబోయేది వసంతమనీ, ఇక మిగిలేది ఆనందమనీ,
నా మది ఎగసెగసి పడుతుంది!
వచ్చిన వసంతం పోతుంది,
మిగిలేది విషాదమని చెబుతుంది.

ఎండిపోయిన తటాకమూ, పండిపోయిన జుట్టూ,
రెక్కలూడిన తూనీగా, బిక్కపోయిన శరీరమూ,
వాడిపోయిన పూలూ, వీడిపోయిన చెలిమీ,
రోసిపోయిన జీవితమూ, బోసిపోయిన నోరూ,
తరిగిపోయిన డబ్బూ, పెరిగిపోయిన జబ్బూ,
చెప్పక చెబుతున్నాయి, వసంతం రాదనీ, విషాదం పోదనీ!

అయినా, కోయిల కూసిన ప్రతిసారీ………..