ఎవరూ చెప్పకండే గంగమ్మకు ....

శివయ్య నెత్తినెక్కిన గంగమ్మకు…
ఆ కొప్పులోని వెచ్చదనం..
శివుని ఆలింగనాన్ని తలపిస్తూ..
కర్తవ్యం మరిపించింది..
భూలోకంలో తననే నమ్ముకున్న..
బిడ్డల దాహార్తి తీర్చాలన్న ధ్యాసే లేదు…
భూమాత చూసింది..
బిడ్డల దాహ బాధ తోపాటు..
వారికి తిండి పుట్టించాల్సిన..
తన కర్తవ్యాన్ని గుర్తు చేస్తూ..
నింగిని చూస్తూ బీళ్ళు తడుముతున్న..
రైతన్నలను చూసి కరిగి పోయింది…
సూరన్నతో కలిసి కుట్ర చేసింది…
వేడి పెంచేసింది..
పిల్లల మంచికోసం..
మండిపోయింది..
శివుని కొప్పును మరపించి..
దించింది గంగను కిందికి…
పిచ్చి గంగమ్మ గంతులేస్తోంది..
నెమ్మదిగా దేశం చల్లబడుతోంది..
ఎవరూ చెప్పకండే గంగమ్మకు..
ఇది శివుని కౌగిలి కాదని !