ఎందుకు మారం మనం ?

ఎంత వైవిధ్యం ఈ ప్రకృతి సౌందర్యం !
వింత వైవిధ్యం ఈ మానవ మస్తిష్కం !


ఇసుక తిన్నెల నుంచి మేరు పర్వతాల వరకూ..
పిచ్చుక గుంటల నించి లోతైన లోయలు వరకూ..
వాన చుక్కల నుంచి మహా సముద్రాల వరకూ..
చిన్న మొక్కల నుంచి చిక్కని అడవుల వరకూ..
కలిగిన ఈ ప్రకృతి విశాల విశ్వంలో ఒక చుక్కైతే ,

ఒంటరితనం నుంచి సంఘజీవనం వరకూ..
తున్టరితనం నుంచి సంఘేతర శక్తుల వరకూ..
మంచితనం నుంచి మహోన్నత సౌశీల్యం వరకూ..
పిచ్చితనం నుంచి కరిగించే దుహ్ఖం వరకూ..
కదిలించే ఈ మస్తిష్కం మానవదేహంలో ఒక ముక్కయ్యింది !

మన చేతిలో లేదు ప్రకృతి వైవిధ్యం !
మనకు చేతనయ్యింది మస్తిష్క వైవిధ్యం !
ప్రకృతిని మార్చాలని ప్రయత్నిస్తే ప్రళయం !
మస్తిష్కాన్ని మార్చగలిగితే విశ్వశాంతి !

మరి ఎందుకు మారం మనం ?