ఏది నిజం ఏది నీడ ?
నీరే అద్దమా ?
ఎన్ని రంగులున్నాయో నీ దారిలో ?
నీ కన్నా అందంగా అల్లుకోగలరా ఎవరైనా?
వెలుగు నీడల దాగుడుమూతలు ఎంత చూసిన కొత్తగానే ఉంటాయి !
నిన్ను చేరడానికి ఎన్ని మెట్లు ఎక్కినా తక్కువే !
మది పులకరించి పోతుంది నీ వడిలో !
మేము ఊడ్చి తుడుచుకున్నామా ఇళ్ళల్లో ఈ అందం ఎక్కడుంటుంది ?
నీ ఒక్కో వెలుగుకు ఒక్కో అందం !
వేలాడే చిత్రపటం లా ఉంటుంటాయి నీ సొగసులు !
జీవితం ధన్యమనిపించే ఆత్మీయత నీ సొత్తు !
నీ గుండెలో గూడు కట్టుకోవాలని అనిపించని వారు ఉంటారా ?
నీ ప్రేమ ప్రవాహంలో ఎన్నేళ్ళు ప్రయాణించినా తక్కువే !
చిత్రకారుడిలా నిన్ను నువ్వు రంగులద్దుకుంటుంటే రోజూ నిన్ను దోస్తున్నాం !
నిన్నెలా దోచినా తల్లిలా ఆదరిస్తూనే ఉంటావ్ !
నీ దర్శనమే దైవదర్శనం ! నీవే మా ప్రాణ దాతవు ! వేయి వేల వందనాలు తల్లీ నీకు !
ఈ ప్రకృతి మాత లేకుంటే ఎలా ఉండే వాళ్ళం మనం ?
ఎన్ని మొక్కులు మొక్కితే ఇంత చక్కటి తల్లి దొరుకుతుంది ?
ఈ తల్లిని నాశనం చేస్తూ చేస్తున్న అభివృద్ధి(?) భవిష్యత్తులో మన ముందుతరాలు ఎలా ఉండబోతున్నారో ?
0 comments:
Post a Comment
అతిధి దేవోభవ !
నమస్తే !
మీరు నా బ్లాగు దర్శించడమే కాక నా పోస్ట్ ల గురించి ఏదైనా చెప్పాలని అనుకుంటున్నందుకు, కృతజ్ఞుడిని !
సమయాభావం వల్ల ప్రతి కామెంట్ కీ సమాధానం చెప్పలేను కాబట్టి అన్యదా భావించరని ఆశిస్తాను ! మీకందరికీ నచ్చే విధంగా పోస్టులను తయారు చేయడానికి ప్రయత్నిస్తుంటాను ! ఎవరినీ కించపరచాలనేదినా ఉద్దేశ్యం కాదు కానీ పొరబాటున ఎవరినైనా నొప్పిస్తే క్షంతవ్యుణ్ణి !
మరో సారి ధన్యవాదాలు తెలియజేస్తూ
- మీ తెలుగోడు ( ప్రభాకర్ )