దేవుళ్ళను దెయ్యాలుగా ఎందుకు చేస్తారు ?

మేం పుట్టేటప్పుడు మమ్మల్ని దేవుళ్ళతో సమానం అంటారు !
మేం పెరగటం మొదలయ్యిన దగ్గరనుంచీ మేము అన్నీ మిమ్మల్ని చూసే నేర్చుకుంటాం !
మాకు ప్రేమ, దయ, జాలి, కరుణ, సహకారం, సహజీవనం, సర్వ మానవ సౌబ్రాత్వత్వం, సర్వ మత సమానత్వం వంటి మంచి గుణాలు నేర్పిస్తే దైవ సమానులుగా పెరుగుతాం !
అలా కాకుండా కులాలనీ, భాషలనీ, ప్రాంతాలనీ, మతాల్నీ, దేశాలనీ,  స్త్రీలనీ, పురుషులనీ, ధనికులనీ, పేదలనీ, నల్లవాళ్ళనీ, తెల్లవాళ్ళనీ...  ఇలా మమ్మల్ని వేరుచేసి, పోరునేర్పి దయ్యాలుగా మారుస్తారే ?
మాకిష్టం లేకపోయినా మాతో యుద్దాలు చేయిస్తారే ?
మీరు మనుషులు కాదా ?
మీ మానవత్వాన్ని ఎక్కడ దాచారు ?
దానవత్వపు ముసుగులెందుకు తొడిగారు ?
మీరిక ఇంతేనా ?
యుగాంతం వస్తే కానీ మీరు మారరా ?