నన్ను దేవుడంటూ ఉంటారు మీరు !

 

                                 మీకోసం  నేనుఆటబొమ్మలు సృష్టించాను !

 

                                 నేనున్నానని ఎన్నోసార్లు గుర్తు చేశాను !

                                   నా దూతల్ని మీకు  దారిచూపమని పంపాను !

                                 అయినా మీరు మారలేదు, మీ  అస్తిత్వాన్ని కోల్పోతున్నారు  !

                            నాకు కోపం వచ్చి మీమీదకు మరణమనే మొసలిని పంపినా ,

                                మీ  మీద జాలి వేసి మీ  కడుపు నింపి జోకోట్టినా ,

                               ఒక్కటి మాత్రం నిజం. అదేమిటంటే మీ  మీద నాకు అత్యంత ప్రేమ !

                                    మీకోసం ఎప్పుడూ బహుమతులు తేవడం నాకిష్టం !

                         నన్ను వెతుకుతూ చాలామంది కైలాసపర్వతం వరకూ  కూడా వెళ్తారు !

కొందరు ధ్యానం, యోగం చేస్తూనో, గాయత్రి లాంటి మంత్రాలు చదువుతూనో నన్ను చూడగలిగాం అంటారు !

               కొందరు నాకు ఒకే రూపం ఉందని చెప్పడానికి ప్రయత్నించారు !

             ఇలా వాళ్ళకిష్టమైన రూపం నాకిస్తూ, నన్ను దేవుడని చెప్పి పూజిస్తుంటారు ఎంతోమంది !

నన్ను ఎవరు ఏ పేరు తో పిలిచినా, నాకు మాత్రం నన్ను ప్రకృతి గా గుర్తించడమే బాగుంటుంది !

మీరందరూ ఒకరినొకరు నాశనం చేసుకోకుండా కలిసి బ్రతకడమే, మీరు నాకివ్వగలిగిన అమూల్యమైన బహుమతి ! 
                                                ఇస్తారు కదూ ?